JCh—2018. Krishtianu Ronaldudan poker, Gollandiya, Fransiya va Belgiya yirik g‘alabalarga erishdi (video)

Futbol bo‘yicha 2018-yil Rossiyada bo‘lib o‘tadigan Jahon Chempionati uchun kurash olib borayotgan Yevropa mamlakatlari saralashning 2-turida davom etdi. 7-oktabr kuni “A”, “B” va “H” guruhlarida 2-tur bellashuvlariga yakun yasaldi.

Saralashning birinchi guruhida ishtirok etayotgan Gollandiya terma jamoasi 2-turdan keyin 4 ochko bilan peshqadamga aylanib oldi. Ilk turda Shvetsiya bilan 1:1 hisobida durang o‘ynagan niderlandiyalik futbolchilar, 2-turda yirik g‘alabaga erishdi.

Dastlabki turni Belarusdagi durang bilan boshlagan Yevro—2016 finalchisi hisoblangan Fransiya ham 2-turda yirik g‘alabaga erishdi. Antuan Grizmann va Dmitri Payet bittadan gol urgan o‘yinda, Kevin Gameyro dubl qayd etdi.

JCh—2018 UEFA saralashi. 2-tur 7-oktabr, juma

“A” guruhi

Gollandiya — Belarus 4:1

Gollar: Kvinsi Promes, 15 (1:0). Kvinsi Promes, 31 (2:0). Aleksey Rios, 47 (2:1). Devi Klassen, 56 (3:1). Vinsent Yanssen, 64 (4:1).

Fransiya — Bolgariya 4:1

Gollar: Mixail Aleksandrov, 6-pen (0:1). Kevin Gameyro, 23 (1:1). Dimitri Payet, 26 (2:1). Antuan Grizmann, 38 (3:1). Kevin Gameyro, 59 (4:1).

Lyuksemburg — Shvetsiya 0:1

Gol: Mikael Lustig, 58 (0:1).Chetlatish: Kevin Malje, 82 (L).

Saralashning “B” guruhida Shveysariya terma jamoasi 6 ochko bilan peshqadam bo‘lib turibdi. Musobaqani Portugaliyani mag‘lub etish bilan boshlagan mamlakat vakillari, bu safar 90-daqiqada urilgan gol evaziga 3 ochkoni qo‘lga kiritdi.

Shveysariyaga 0:2 hisobida imkoniyatni boy bergan Yevropaning amaldagi chempioni Portugaliya 2-turda yirik g‘alabani qo‘lga kiritdi. Krishtianu Ronaldu poker qayd etgan bellashuvda Andorra o‘z darvozasidan 6 ta gol o‘tkazib yubordi. Ronaldu 2-turdan keyin saralashda eng ko‘p gol urgan futbolchi bo‘lib turibdi.

JCh—2018UEFA saralashi. 2-tur7-oktabr, juma

“B” guruhi

Vengriya — Shveysariya 2:3

Gollar: Xaris Seferovich, 51 (0:1). Adam Soloi, 53 (1:1). Rikardo Rodriges, 67 (1:2). Adam Soloi, 72 (2:2). Valentin Shtoker, 90 (2:3).

Portugaliya — Andorra 6:0

Gollar: Krishtianu Ronaldu, 2 (1:0). Krishtianu Ronaldu, 4 (2:0). Joau Kanselu, 44 (3:0). Krishtianu Ronaldu, 47 (4:0). Krishtianu Ronaldu, 68 (5:0). Andre Silva, 86 (6:0).Chetlatishlar: Xordi Rubio, 62 (A). Mark Rebes, 71 (A).

Latviya — Farer 0:2

Gollar: Ragnar Nattestad, 19 (0:1). Yoxan Edmundson, 70 (0:2).

“H” guruhida belgiyalik futbolchilar hech kimga imkoniyat qoldirayotgani yo‘q. Dastlabki turda Kipr darvozasiga javobsiz 3 ta gol urgan Belgiya, bu safar Bosniya postiga 4 bor yo‘l topishning uddasidan chiqdi.

JCh—2018UEFA saralashi. 2-tur7-oktabr, juma

“H” guruhi

Belgiya — Bosniya 4:0

Gollar: Emir Spaxich, 26-avt (1:0). Eden Azar, 29 (2:0). Tobi Alderveyreld, 60 (3:0). Romelu Lukaku, 79 (4:0).

Gretsiya — Kipr 2:0

Gollar: Kostas Mitroglu, 12 (1:0). Petros Mantalos, 42 (2:0).

Estoniya — Gibraltar 4:0

Gollar: Mattias Kyayt, 47 (1:0). Konstantin Vasilyev, 52 (2:0). Mattias Kyayt, 70 (3:0). Sergey Moshnikov, 88 (4:0).