Португалиянинг Порту шаҳри аэропортида юк ташувчи йўқолиб қолди. Кейинроқ у Анголага учаётган лайнер юкхонасида ҳушсиз аҳволда топилди, деб хабар бермоқда National Geographic.
TAAG Angola Airlines авиакомпаниясининг DT-655 рейси Портудан учиб чиққанидан сўнг 40 дақиқа ўтиб учувчиларга ишчи ғойиб бўлгани ҳақида хабар берилди. У пайтда Луандага учаётган лайнер Лиссабондан 110 километр жануби-шарқроқда эди.
Охирги марта юк ташувчи уй жониворларининг қафасларини юк бўлинмасига жойлаётганида кўрилган эди. Ҳаво кемаси капитани Португалия пойтахтида қўнишга қарор қилди. Дарҳақиқат, қўниш амалга оширилганидан сўнг ишчи юк бўлинмасидан ҳушсиз ҳолда топилди.
Вақтида шифохонага етказилган ишчининг аҳволи яхши деб баҳоланмоқда.
Изоҳ (0)