Portugaliyada hushini yo‘qotgan yuk tashuvchi tufayli samolyot favqulodda qo‘nishni amalga oshirdi

Portugaliyaning Portu shahri aeroportida yuk tashuvchi yo‘qolib qoldi. Keyinroq u Angolaga uchayotgan layner yukxonasida hushsiz ahvolda topildi, deb xabar bermoqda National Geographic.

TAAG Angola Airlines aviakompaniyasining DT-655 reysi Portudan uchib chiqqanidan so‘ng 40 daqiqa o‘tib, uchuvchilarga ishchi g‘oyib bo‘lgani haqida xabar berildi. U paytda Luandaga uchayotgan layner Lissabondan 110 kilometr janubi-sharqroqda edi.

Oxirgi marta yuk tashuvchi uy jonivorlarining qafaslarini yuk bo‘linmasiga joylayotganida ko‘rilgan edi. Havo kemasi kapitani Portugaliya poytaxtida qo‘nishga qaror qildi. Darhaqiqat, qo‘nish amalga oshirilganidan so‘ng ishchi yuk bo‘linmasidan hushsiz holda topildi.

Vaqtida shifoxonaga yetkazilgan ishchining ahvoli yaxshi deb baholanmoqda.