Фарғона вилоятининг Бағдод ва Риштон туманларида янги болалар мусиқа ва санъат мактаблари фойдаланишга топширилди. Бу ҳақда ЎзА хабар бермоқда.
Бағдод тумани Тонготар қишлоғидаги 28-болалар мусиқа ва санъат мактаби «Қувасой таъмирқурилиш» масъулияти чекланган жамияти қурувчилари томонидан 3 миллиард 200 миллион сўмдан ортиқ маблағ ҳисобига жаҳон андозалари даражасида бунёд этилди. Мактабда барча шароит яратилган, ўқув-машғулот хоналари замонавий тарзда жиҳозланган. 150 ўринга мўлжалланган таълим масканида юзга яқин ўқувчи анъанавий ижрочилик, эстрада хонандалиги, ўзбек халқ чолғулари, зарбли ва дамли чолғулар, хор ижрочилиги, хореография, тасвирий санъат йўналишларида сабоқ олмоқда.
Риштон тумани Уйрат қишлоғидаги янги болалар мусиқа ва санъат мактаби ҳам ёшлар учун ажойиб туҳфа бўлди. Ўқув қўлланма ва адабиётлар, ноталар тўплами ҳамда кўргазмали материаллар билан таъминланган таълим масканида ўқувчиларни ҳар томонлама билимли ва баркамол этиб вояга етказиш учун барча шароит яратилган.
Изоҳ (0)