Американинг Ford Motors автомобиль ишлаб чиқарувчиси ён эшиклар қулфидаги носозлик туфайли Шимолий Америкадан 2,3 миллиондан ортиқ автомобилини чақириб олади. Компания сайтида чоп этилган хабарда таъкидланишича, носозлик туфайли эшиклар ҳаракатланиш давомида очилиб кетиши мумкин, деб ёзади «РИА Новости».
Маълум қилинишича, эшик қулфидаги носозлик йўловчиларнинг шикастланиши хавфини оширади. Компания мазкур муаммо туфайли шикастланган бўлиши мумкин бўлган уч нафар жабрланувчи ҳақида маълумот олганлигини таъкидламоқда.
Автомобилларни чақириб олиш АҚШ, Канада ва Мексика каби давлатлардаги Ford Focus (2012—2015 йиллар), Ford Mustang (2015 йил), Ford C-MAX ва бошқа бир қатор моделларга дахлдордир.