Зинедин Зидан бошчилик қилаётган «қироллик клуби» Халқаро Чемпионлар Кубогини мағлубият билан бошлади. Унаи Эмери мураббийлигидаги «ПСЖ» билан тўқнаш келган «Реал» 1:3 ҳисобида енгилди.
Учрашувдаги голларнинг барча биринчи бўлимда киритилди. 40-дақиқага қадар Франция чемпионлари сафида Иконе бир марта, Менье икки марта гол уриб, ҳисобни йирик кўринишга олиб келди. 44-дақиқага келиб Марсело пенальтидан гол уриб, «Реал»ни йирик мағлубиятдан қутқариб қолди.
«Реал» сафида Гарет Бэйл, Криштиану Роналду, Карим Бензема, Лука Модрич каби етакчи футболчилар ҳаракат қилмади.
«ПСЖ» Халқаро Чемпионлар Кубогидаги биринчи учрашувни ҳам ишончли ўтказиб, Италиянинг «Интер» клубини 3:1 ҳисобида мағлуб этганди.
Ҳар икки клуб 30 июль куни навбатдаги ўйинларда майдонга тушади. «Реал» Лондоннинг «Челси» клуби билан тўқнаш келса, «ПСЖ» Англия чемпиони «Лестер»ни имтихондан ўтказади.
International Champions Cup—2016 Коламбус, АҚШ 27 июль, чоршанба
«Реал» — «ПСЖ» 1:3
Голлар: Иконе, 2 (0:1). Менье, 35 (0:2). Менье, 40 (0:3). Марсело, 44-пен (1:3).«Реал» (1-тайм): Касилья, Марсело, Начо, Данило, Варан, Каземиро, Васкес, Иско, Ковачич, Хесе, Мората.«Реал» (2-тайм): Янес, Фебас, Диас, Линхарт, Ҳакими, Техеро, Карвахал, Энсо Зидан, Асенсио, Лорьенте, Эдегор.
«ПСЖ»: Трапп, Тиаго Силва (Менье, 11), Кимпембе, Курзава (Максвелл, 69), Оре, Рабо (Нкунку, 69), Пасторе (Стамбули, 46), Каллегари, Иконе (Ди Мария, 46), Кавани (Жоржен, 69), Лукас Моура (Бен Арфа, 69).
Изоҳ (0)