Халқаро Чемпионлар Кубоги мусобақасининг АҚШ мезбонлик қилаётган зонасида «Бавария» ва «Милан» клублари ўзаро тўқнаш келди.
Учрашувнинг асосий вақти 3:3 ҳисобидаги дуранг билан якунланди. Италияликлар сафида Нянг 23, Бертолаччи 49 ва Куцка 61-дақиқада гол уришга муваффақ бўлди.
«Бавария» футболчиларидан Франк Рибери дубл қайд этди. У 29 ва 90-дақиқада ҳисобни тенглаштирувчи голларга муаллифлик қилди. Иккинчи гол пенальтидан киритилди. Бундеслига етакчисининг яна битта голи Давид Алаба ҳисобига ёзилди.
Пенальтилар сериясида немислар 3:5 ҳисобида имкониятни бой берди. Шу тариқа «Милан» пенальтидан зафар қучгани учун ўз ҳисобига 2 очко ёзиб қўйди. «Бавария» эса 1 очко жамғарди.
30 июль куни «Бавария» Милан шаҳрининг бошқа бир клуби «Интер»га қарши майдонга тушади. Шу куни «Милан» Англиянинг «Ливерпуль» клуби билан ҳисоб-китоб қилади.
International Champions Cup—2016 Чигако, АҚШ 27 июль, чоршанба
«Бавария» — «Милан» – 3:3 пен — 3:5
Голлар: Ньянг, 23 (0:1). Рибери, 29 (1:1). Алаба, 38 (2:1). Бертолаччи, 49 (2:2). Куцка, 61 (2:3). Рибери, 90-пен (3:3).«Бавария»: Улрайх, Рафинья, Мартинес (Пантович, 79), Бадштубер (Фелдхан, 31), Алаба, Лам, Алонсо (Срнички, 61), Рибери, Тиаго Алькантара (Фабиан, 61), Бернат, Грин (Лаппе, 79).
«Милан»: Доннарумма, Абате (Куцка, 46), Романоли, Палетта, Антонелли (Хонда, 62), Поли (Вергара, 80), Монтоливо (Эль Ҳилали, 80), Бертолаччи (Дзанеллато, 62), Сусо (Матри, 62), Ньянг (Эли, 62), Бонавентура.
Изоҳ (0)