Краснодар ўлкасида тўрт кишининг жонига қасд қилганликда гумонланган эркакни полиция ходимлари қўлга олди. Бу ҳақда «Интерфакс» хабар бермоқда.
4 июль, душанба куни эрталаб Красноармейск туманидаги уйлардан бирида пичоқлаб кетилган тўрт кишининг жасади топилди. Яна бир жабрланган аёл оғир жароҳатлар билан шифохонага етказилди.
Полиция ходимлари уйни кўздан кечириб, тахминий гувоҳларни сўроқ қилганидан сўнг 39 ёшли краснодарлик эркак собиқ турмуш ўртоғи ва унинг қариндошларини ўлдириб, 3 яшар қизи билан машинада қочиб кетганини аниқлади.
Автомобиль ва ҳайдовчи қидирувга берилди. Бир неча соат ўтиб полиция ходимлари машинанинг ҳаракат йўналиши ва қизнинг жойини аниқлади. Тез орада гумонланувчи қўлга олинди, у ҳатто қаршилик қилишга ҳам улгурмади.
Маълум қилинишича, қотилликда гумонланувчи эркак қизни Краснодарга, қариндошлари олдига олиб келган.
Воқеа юзасидан жиноий иш қўзғатилди.
Изоҳ (0)