Францияда давом этаётган 2016 йилги Европа Чемпионатининг Польша ва Швейцария термалари ўртасидаги ўйини пенальтилар сериясига қадар етиб борди ва унда зафар қучган Польша чорак финалнинг биринчи иштирокчисига айланди.
Учрашувнинг 39-дақиқасида Якуб Блашиковски Польша терма жамоасини ҳисобда олдинга олиб чиқди. «Фиорентина» клуби вакили гуруҳ босқичининг 3-турида Украина дарвозасини ҳам ишғол қилишга муваффақ бўлганди.
Польша термаси аъзолари ҳисобни 82-дақиқага қадар ушлаб турди. Айнан мана шу дақиқада «Сток Сити» аъзоси Жердан Шақири мувозанатни тиклашга муваффақ бўлди — 1:1. Польша терма жамоасининг «Суонси»да ҳаракат қиладиган дарвозабони Лукаш Фабиански гуруҳ босқичи доирасидаги 270 дақиқа давомида бирорта ҳам гол ўтказмаганди.
Англиялик ҳакам Марк Клаттенбург бошқариб борган ўйин 120 дақиқа давом этганига қарамай, унда ғолибни аниқлаб бўлмади ҳамда навбат пенальтилар сериясига берилди.
Пенальтилар сериясида Швейцария аъзоси Гранит Жака ноаниқ зарба йўллади. Польша терма жамоаси сафида эса 11 метрлик нуқтага яқинлашган ҳамма футболчиларнинг зарбаси аниқ кўриниш олди. Гжегож Криховяк томонидан берилган сўнгги зарба Швейцарияни турнирдан чиқариб юборди.
[wpse_match id="368864" show_title=1]
Изоҳ (0)