Евро—2016. Мезбон Франция сўнгги турда дуранг ўйнаб, «А» гуруҳини пешқадам сифатида якунлади

2016 йилги Европа Чемпионатида «А» гуруҳи ўйинларига якун ясалди. Сўнгги турда Швейцария билан голсиз дуранг ўйнаган Франция терма жамоаси уни пешқадам сифатида якунлади.

3-тур олдидан мезбонларни дуранг натижа ҳам қаноатлантирарди. Шунингдек, 1 очко Швейцария термасини ҳам нимчорак финал иштирокчисига айлантирарди. Якунда шундай бўлиб чиқди ҳам.

3 та ўйинда 7 очко жамғарган Франция ва 5 очко тўплаган Швейцария мағлубиятсиз серияни плеф-офф босқичида ҳам давом эттиришга ҳаракат қилади.

Дастлабки икки турда икки бор пенальти тепиш ҳуқуқига эга бўлган Руминия терма жамоаси «А» гуруҳининг сўнгги турида Албанияга имкониятни бой берди. Учрашувнинг 43-дақиқасида Армандо Садику томонидан киритилган гол Албанияга 3-ўринни тақдим этди.

24 та терма жамоа иштирок этаётган Евро—2016 да гуруҳларда 3-поғонани эгаллаган 4 та жамоада ҳам плей-оффда ўйнаш имконияти бўлади. Шундан келиб чиқиб, Европа Чемпионатида 1 дона гол урган Албания қолган гуруҳлар натижасини кутиб туради.

Руминия терма жамоаси эса Европа Чемпионати билан биринчилардан бўлиб хайрлашди.

[wpse_match id="351457" show_title=1]

[wpse_match id="351458" show_title=1]