АҚШнинг Виржиния штатида юз берган йирик йўл-транспорт ҳодисасида олти киши ҳалок бўлди. Маҳаллий полициянинг маълум қилишича, яна ўн киши оғир аҳволда шифохонага етказилган, деб хабар беради «ТАСС».
Авария АҚШнинг бутун шарқий соҳили бўйлаб ўтувчи 95-рақамли автойўлда микроавтобус ва енгил машина иштирокидаги йўл-транспорт ҳодисаси оқибатида юз берган. Dodge микроавтобуси Toyota Camry билан тўқнашиб кетгач, йўл четига чиқиб кетиб, бир неча марта ағдарилиб кетган.
«Микроавтобусдан отилиб чиқиб кетган олти киши — тўрт нафар эркак, аёл ва бола воқеа жойида ҳалок бўлган. Ҳайдовчи ва тўққиз нафар бошқа йўловчилар жиддий шикастланишлар билан шифохонага етказилган», — деган маҳаллий полиция вакили.
Toyota ҳайдовчиси жабрланмаган.