Франция мезбонлик қилаётган футбол бўйича Европа Чемпионатини амалдаги финалчи Италия ғалаба билан бошлади. Бельгия термасига қарши кураш олиб борган Антонио Конте шогирдлари Эммануэле Жаккерини ва Грациано Пелле томонидан киритилган голлар эвазига 2:0 ҳисобида муваффақият қозонди.
Бельгия терма жамоасининг бошланғич таркибига киритилган барча футболчи Европа Чемпионатлари доирасидаги ўзининг дебют ўйинида майдонга тушди.
«E» гуруҳининг биринчи учрашувида Швеция ҳамда Ирландия терма жамоалари 1:1 ҳисобида дуранг ўйнаганди. Шундан келиб чиқилса, 1-турдан кейин Италия термаси гуруҳда пешқадамга айланиб олди.
2-тур ўйинлари 17—18 июнь кунлари бўлиб ўтади. Аввалига Италия Швецияга қарши саф торца, орадан бир кун ўтиб Бельгия ва Ирландия термалари ўзаро ҳисоб-китоб қилади.
[wpse_match id="351136" show_title=1]
Изоҳ (0)