Грециянинг «Олимпиакос» ва Мексика миллий терма жамоаси ҳужумчиси Алан Пулидо уни ўғирлаб кетган кишилар қўлидан қутқариб олинди. Бу ҳақда ТАСС Associated Press’га асосланиб хабар берди.
25 ёшли футболчи Сюдад-Виктория шаҳридаги дам олиши чоғида қиз дўсти билан кечалардан бирига ташриф буюрган. Кечадан қайтиши чоғида эса уни ўғирлаб кетишганди. Ўғрилар Пулидонинг машинасини тўсиб қўйишган, футболчи ундан тушиши билан эса ишни амалга оширганди.
Тамаулипас шаҳри полицияси баёнотига кўра, Алан Пулидони қутқариш операцияси якшанбадан душанбага ўтар кечаси амалга оширилди. Айни вақтда ҳужумчи шифохонада, врачлар назорати остида бўлиб турибди.
Маълумот учун, 2014 йилги жаҳон чемпионатида Мексика терма жамоаси шарафини ҳимоя қилган Алан Пулидо, 2015 йилдан буён Грециянинг «Олимпиакос» клуби шарафини ҳимоя қилади.
Изоҳ (0)