11—14 май кунлари Шекспир асарлари асосидаги фестивални ташкил этиш ва тайёргарлик жараёнини ўтказиш учун Роз Бруфорд театр ва актёрлик маҳорати коллежининг мутахассиси Жон Такер Тошкентга ташриф буюради. Бу ҳақда Буюк Британиянинг Ўзбекистондаги ваколатхонаси матбуот хизмати хабар берди.
Фестиваль 2016 йилнинг 14 май куни 14:00 дан 16:00 га қадар Ўзбекистон Давлат санъат ва маданият институтида бўлиб ўтади. Фестивалда Санъат ва маданият институти талабалари, шунингдек, Ўзбекистон ёшлар театри актёрлари иштирок этади.
Бундан ташқари, Жон Такер 16—20 май кунлари янги ўқув модулини ишлаб чиқариш бўйича институт мураббийлари билан иш олиб боради.
Изоҳ (0)