БМТ бош котиби Пан Ги Мун Жанубий Судан исёнчиларининг етакчиси Риек Машарни зудлик билан мамлакат пойтахти Жубага қайтиш ва можарони тинчлик йўли билан тартибга солиш жараёнига таҳдид қилувчи янги шартларни илгари сурмасликка чақирди. Бу ҳақда, бош котибнинг расмий вакили Стефан Дюжаррикнинг маълумотига таяниб, «ТАСС» хабар беради.
Унинг сўзларига қараганда, Пан Ги Мун Жанубий Судан Республикаси ҳукуматининг келишув бўйича битим юзасидан қарорини маъқуллайди. Тинчлик битимининг бажарилишини назорат қилиш комиссияси томонидан ишлаб чиқилган мазкур келишув 2015 йилнинг августида имзоланган эди.
Ушбу ҳужжатга мувофиқ, мамлакатда миллий бирлик ўтиш ҳукумати ташкил этилиши лозим. Унда Машар вице-президент лавозимини эгаллайди, унинг мухолифатчиси Сальва Киир эса давлат раҳбари лавозимини сақлаб қолади. Исёнчилар етакчисининг пойтахтга қайтиши 12 апрелга режалаштирилган эди.
Изоҳ (0)