Ла Лига. Мессининг 500-голи «Барселона»га 1 очко ҳам тақдим эта олмади

Футбол бўйича Испания Ла Лигасининг 33-тур беллашувлари сенсацион натижа билан якунига етди. Чемпионлик учун асосий даъвогар деб қаралган «Барселона» кетма-кет тўртинчи турни ҳам муваффақиятсиз якунлади.

Европа Чемпионлар Лигасининг ярим финалидан мосуво бўлган Каталония клуби, Ла Лиганинг сўнгги уч турида зафар қуча олмаганди. Бу сафар Луис Энрике жамоаси ўз майдонида «Валенсия»дан енгилди. Меҳмонларнинг биринчи бўлимда киритган икки голига, Лионель Месси бир марта жавоб қайтарди.

Бу гол Лионель Мессининг фаолиятидаги 500-гол эди. Бироқ юбилей гол «Барселона» учун 1 очко ҳам тақдим эта олмади.

• Ла Лига. «Атлетико» «Гранада»ни мағлуб этиб, очколар сони бўйича «Барселона»га етиб олди

33-турдан кейин «Барселона» ва «Атлетико» бир ҳилда — 76 очкога эга. «Реал» эса 75 очко билан 3-поғонада бормоқда. Мазкур жамоалардан фақатгина «Барселона» Испания Кубогидаги иштирокини давом эттираётган бўлса, Мадрид клублари Европа Чемпионлар Лигасининг ярим финалига йўл олган.

• Ла Лига, 33-тур. Бензема Мессига етиб олган ўйиндан кейин «Реал» 2-ўринга кўтарилди

Ла Лигада 34-тур беллашувлари 19—21 апрель кунлари бўлиб ўтади. 20 апрель куни «Барселона» «Депортиво» меҳмони бўлса, «Атлетико»ни Бильбаода «Атлетик»ка қарши ўйин кутиб турибди. Шу куни «Реал» ўз майдонида «Вильярреал»ни қабул қилади.

Испания Ла Лигаси 33-тур беллашуви 17 апрель, якшанба

«Барселона» — «Валенсия» 1:2

Голлар: Иван Ракитич, 26-авт (0:1). Сантьяго Лоренцо, 45+1 (0:2). Лионель Месси, 63 (1:2).«Барселона»: Клаудио Браво, Хорди Альба, Ҳерард Пике, Серхи Роберто, Серхио Бускетс, Хавьер Маскерано, Иван Ракитич, Андрес Иньеста, Луис Суарес, Лионель Месси, Неймар.