Покистоннинг шимоли-ғарбида катта кўламдаги ёғингарчиликлар оқибатида камида 63 киши ҳалок бўлди, 100 дан ортиқ одам жабрланди. Бу ҳақда мамлакат Табиий офатлар оқибатларини бартараф қилиш миллий бошқармаси маълумотига таяниб, «ТАСС» хабар беради.
Мамлакатнинг шимоли-ғарбий вилояти Хайбер-Пахтунхвада бир неча кун давомида ёққан кучли ёғингарчилик сув тошқини ва кўчкиларга сабаб бўлган. Табиий офат натижасида кўплаб уйлар қулаб кетган.
Ҳозирги пайтда ушбу табиий офат оқибатларини бартараф этиш учун қутқарувчиларга армия бўлинмалари ва маҳаллий аҳолидан кўнгиллилар ёрдам кўрсатмоқда.
Изоҳ (0)