Тошкент шаҳрида ёпиладиган олти трамвай йўналиши ўрнида янги автобус йўналишлари йўлга қўйилади. Бу ҳақда, 28 март, душанба куни Тошкент шаҳар ҳокими Раҳмонбек Усмонов иштирокида ташкил этилган матбуот анжуманига асосланиб, «Газета.uz» хабар бермоқда.
Хабар беришларича, ёпилган трамвай йўналиши ўрнига айнан шу рақам остида автобус йўналишлари йўлга қўйилади (масалан, 13-трамвай ўрнига — Т13, 26-трамвай йўналиши ўрнига — Т26).
Бир қатор йўналишларда, хусусан, 13-трамвай йўналиши бўйича параллел автобус йўналиши 5 апрелдан — йўловчилар янги ўзгаришларга мослашишларига имконият тақдим этиш мақсадида йўлга қўйилади.
Аввалроқ Тошкент шаҳри ҳокими Раҳмонбек Усмонов шаҳардаги барча трамвай йўналишлари ёпилишини эълон қилгани ҳақида хабар берилган эди.
Изоҳ (0)