Бугунги куннинг кичкина шаҳзода ва маликалари (фотогалерея)

2016 йилнинг 2 март куни Швеция маликаси Виктория ўғилли бўлди. У швед тахти меросхўри Виктория ва унинг турмуш ўртоғи шаҳзода Даниэлнинг оиласидаги иккинчи фарзанд бўлди. Виктория ва Даниэлнинг ўғли тахтга онаси ва  тўрт ёшли опаси малика Эстелдан кейинги даъвогар бўлади. Викториянинг укаси шаҳзода Карл Филипп ва синглиси малика Мадлен эса бу рўйхатда тўртинчи ва бешинчи ўринларни эгаллайди.

Лекин у туғилибоқ аслзодага айланган дунёдаги ягона шахс эмас. «Аргументи и факти» бугунги куннинг у каби кичкина шаҳзода ва маликалари ҳақида маълумот келтирди.

Шаҳзода Георг — қиролича Елизавета II нинг учинчи эвараси, Уэльс шаҳзодаси Чарльзнинг биринчи набираси, Кембриж герцоги Уильям ва Кембриж герцогиняси Кэтриннинг биринчи фарзанди, 2013 йил 22 июлида Лондонда туғилган. Британия тахти меросхўрлари рўйхатида учинчи ўринда туради.

Жак Оноре Ренье Гримальди — Монако валиаҳд шаҳзодаси, маркиз де Бо, 2014 йил 10 декабрида эгизак синглиси Габриэла Тереза Мария билан княз Албер II ва княгиня Шарлен оиласида туғилган.

Кристиан Ҳазрати Олийлари — Дания шаҳзодаси, Монпез графи, шаҳзода Фредерик Олий Ҳазратлари ва унинг рафиқаси Мэри Дональдсоннинг катта ўғли. 2005 йил 15 октябрида Копенгагенда туғилган. Дания тахти меросхўрлари рўйхатида отасидан кейинги ўринни эгаллайди. Вақт ўтиши билан у Кристиан XI фахрий лақаби остида ҳукмронлик қилиши кутилмоқда.

Малика Леонор де Тодос лос Сантос де Бурбон ва Ортис де Испания (суратда: чапдан иккинчи) — Астурия маликаси, Испания қироли Филипп VI ва унинг рафиқаси Летисиянинг катта қизи, Испания қироли Хуан Карлос I ва қиролича Софиянинг набираси. 2005 йилнинг 31 октябрида туғилган.

Ингрид Александра Ҳазрати Олиялари, Норвегия маликаси — Норвегия валиаҳд шаҳзодаси Хокон ва унинг рафиқаси Метте-Маритнинг катта қизи, қирол Харальд V нинг набираси. 2004 йил 21 январида Ослода туғилган.

Эстель Сильвия Ева Мэри Ҳазрати Олиялари, Швеция маликаси, Эстергётланд герцогиняси, 2012 йилнинг 23 февралида туғилган — Швед тахти меросхўри малика Виктория ва унинг турмуш ўртоғи, Вестергётланд герцоги Даниэль Вестлинг оиласидаги биринчи фарзанд.

Елизавета Тереза Мария Елена де Бельгия, Брабант герцогиняси (2001 йилнинг 25 октябрида туғилган) — Бельгия валиаҳд маликаси, Бельгия қироли Филипп ва қиролича Матильданинг катта қизи, Алберт II нинг набираси. Бельгия тахти меросхўрлари рўйхатида биринчи ўринда туради.

Малика Катарина-Амалия Беатрикс Кармен Виктория (суратда: чап томонда) — Нидерландия маликаси, Оранж маликаси, Нидерландия қироли Виллем Александр ва қироличаси Максиманинг катта қизи, қиролича Беатрикснинг набираси.

Иордания шаҳзодаси Хошим бин Абдулла (суратда: чап томонда) — қирол Абдулла II ибн Ҳусайн (суратда: марказда) ва қиролича Рания ал-Абдулланинг ўғли. Валиаҳд, тахт меросхўри.