Жорий йилнинг 26—27 февраль кунлари Тошкент шаҳридаги «Ўзбекистон» спорт саройида илк бор Бутунжаҳон бокс сериясининг VI мавсумидан ўрин олган навбатдаги жанглар ўтказилади. Бу ҳақда Ўзбекистон Миллий олимпия қўмитаси хабар бермоқда.
Бутунжаҳон бокс сериясининг VI мавсумида жами 16 жамоа тўрт гуруҳга бўлинган ҳолда ғолиблик учун баҳс юритади. Ҳар бир гуруҳда биринчи ва иккинчи ўринни эгаллаган жамоалар чорак финалга йўл олади.
Ўзбекистоннинг Uzbek Tigers жамоаси «D» гуруҳида Қозоғистон, Озарбайжон ва Пуэрто-Рико жамоалари билан ўзаро куч синашади.
Ўзбекистонлик боксчилар 26 февраль куни Пуэрто-Риконинг Puerto Rico Hurricanes жамоасига қарши баҳс юрица, 27 февраль куни Қозоғистоннинг Astana Arlans жамоаси билан куч синашади.
Эслатиб ўтамиз, мавсумнинг дастлабки учрашувида Ўзбекистон жамоаси Пуэрто-Рико боксчиларига қарши рингга кўтарилиб, 5:0 ҳисобида ғалаба қозонганди. Кейин эса ўзбекистонлик боксчилар Боку шаҳрида Озарбайжон жамоасига 2:3 ҳисобида имкониятни бой берди.
Изоҳ (0)