Жанубий Корея КХДР туфайли ҳудудига ядро қуролини жойлаштиришни режалаштирмаяпти
Жанубий Корея мудофаа вазири Хан Мин Гу мамлакат ҳукумати КХДР томонидан таҳдиднинг ошиб бораётганлигига қарамасдан, ўз ҳудудида ядро қуролини жойлаштиришни режалаштирмаётганлигини маълум қилди. Бу ҳақда «РИА Новости» хабар беради.
«Ҳозирги пайтда ҳукумат ядровий қуролланиш бўйича ҳеч қандай режаларни кўриб чиқмаяпти», — деди Жанубий Корея мудофаа бошқармаси раҳбари.
У, шунингдек, «жамоатчиликнинг мамлакатда ядро қуролини жойлаштириш ҳақидаги ундовлари ва КХДР ядро дастурига нисбатан пушаймонлик» бошқармага яхши маълумлигини таъкидлади.
«Биз уларга диққат билан қулоқ солмоқдамиз», — деди Хан Мин Гу.
Корея ярим оролидаги вазият КХДР томонидан 6 январь куни ядро синови ўтказилиши ва 7 февралда сунъий йўлдошга эга ракета учирилишидан кейин кескинлашди.
