«Hi-tech.mail.ru» Янги йил арафасидаги анъанавий тадқиқотини ўтказиб, қурилмалар совға сифатида аввалгига нисбатан камроқ берила бошлаганини аниқлади.
Шунингдек, гаджетларни ҳадя қилиш оддий ҳолатга айланиб қолди ва уларни совға сифатида қабул қилиб олишни аввалгидек сабрсизлик билан кутишмаяпти. 2013 йилда сўралганларнинг 10 нафаридан 9 нафари Янги йилга қурилма ҳадя қилишларини истаган бўлса, сўнгги сўров натижаларига кўра, бундай истак билдирганлар 63 фоизни ташкил қилди.
Кимгадир гаджет совға қилишни режалаштираётганлар 14 фоизни ташкил этди, бу 2013 йилга нисбатан 4,5 марта кам демакдир.
Кутилаётган ҳадялар рейтингида смартфонлар етакчилик қилмоқда: сўралганларнинг 41 фоизи уларга шундай қурилмаларни совға сифатида беришларини истайди. Ундан кейинги ўринларни планшетлар, ноутбуклар ва «ақлли» соатлар эгаллади. Бироқ бу йил саноқли кишиларгина «ақлли» соат совға қилиш ниятида.
Изоҳ (0)