«Останкино» телемарказининг раҳбарияти хавфсизлик нуқтаи назаридан бинони тиканли сим билан ўраб олишга қарор қилди. Бу ҳақда телемарказ матбуот котиби Денис Назаров берган маълумотларга асосан «Интерфакс» хабар қилмоқда.
«Биз стратегик объект доирасида турамиз ва ташкилотимиз алоҳида мавқейга эга. Қийин вазиятларда қўшимча хавфсизлик чораларини кўриб қўйиш ― кенг тарқалган ҳолат. Бу каби чора муаммони бутунлай бартараф этмайди, чунки бу махсус хизмат вакилларининг иши, лекин ‘аҳмоқдан сақлаш’ каби вазифани бажара олади», ― деди Назаров.
Назаровнинг таъкидлашича, дунёдаги таранг вазиятдан келиб чиқиб шу мазмундаги қарорнинг қабул қилиниши табиийдир. Бундан ташқари, 5 декабрда телемарказга портлаш таҳдиди ҳақидаги хабар келиб тушган.
Ҳимоя тизимини ўрнатиш ишлари яқин бир неча кун ичида тугатилади.
Изоҳ (0)