Яман президенти Абд-Раббу Мансур Ҳоди Саудия Арабистон бошчилигидаги коалицияни 2015 йил 15 декабрдан бошлаб ўт очишни тўхтатиш ҳақидаги режадан хабардор қилганлигини БМТ Бош котиби Пан Ги Мунга маълум қилди. Бу ҳақда «Коммерсант.ru» хабар қилмоқда.
«Мен коалиция раҳбариятига биз 15 декабрдан 21 декабргача бўлган муддатга, яъни етти кунга сулҳ тузмоқчи эканлигимизни хабар қилдим», ― деди Мансур Ҳоди. Унинг фикрича, етти кунлик ўт очишни тўхтатиш муддати қарши тараф риоя қилса узайтирилиши мумкин.
Эслатиб ўтамиз, Яманда низолашаётган тарафларнинг декабрь ойи ўрталарида бўлиб ўтиши режалаштирилаётган тинчлик йўлидаги музокаралари бекор бўлиши хавфи бор. Мамлакатдаги вазиятни назорат қилиш имкониятини йўқотган президент тарафдорлари ва ҳукуматни ишғол қилган «Ансор Аллоҳ» ҳаракатининг исёнчи-хусийчилар ўртасидаги тўқнашувларга ИШИД террорчилик гуруҳи келиб қўшилган.
Эслатиб ўтамиз, 2015 йил 6 декабрь куни Яманнинг Адан вилояти губернатори Жаъфар Муҳаммад Саад ўққа тутиб ўлдирилган эди.
Изоҳ (0)