Таниқли артист Филипп Киркоровнинг отаси бўлмиш Бедрос Киркоровнинг ҳаёти сўнгги пайтларда унча ширин кечмади. Турли маросимларда унга ҳамроҳлик қилувчи рафиқаси Людмила Смирнова энди унинг ёнида кўринмай қолди. Ўрнини эса ёш малласоч қиз эгаллади. Бу ҳақда «Сегодня.ua» хабар бермоқда.
«Танишинг, Татьяна! У маросимларни ташкиллаштирувчи агентликда ишлайди», – деди у ҳамроҳини журналистларга таништирар экан. Қонуний хотини ҳақида берилган саволга, «У энди бошқа шаҳарда яшаяпти», деб жавоб қайтарган.
Киркоров биринчи рафиқаси вафотидан сўнг уч йил ёлғиз яшади. Сўнгра 1997 йилда иқтисод фанлари доктори Людмила Смирновага уйланди. Унинг бу ишидан қаттиқ хафа бўлган Филипп, никоҳни сотқинлик билан тенглаштирган эди. Қайсидир муддат улар гаплашмай юрди.
Бедрос ва Людмиланинг ҳаёти енгил ўтмади. 2002 йилда шифокорларнинг хатоси туфайли қизлари Ксения оламдан ўтди.
Изоҳ (0)