Politsiya Moskva shimoli-g‘arbida joylashgan o‘zbek kafesiga uyushtirilgan hujum tashkilotchisini qo‘lga oldi. Bu haqda poytaxt ichki ishlar boshqarmasi matbuot xizmati rahbari Andrey Galiakberov ma’lum qildi, deya xabar beradi “Interfaks”.
“Hujum tashkilotchilaridan biri, Shimoliy Kavkaz federal okrugida istiqomat qilgan 32 yoshli kimsa Podmoskovyeda qo‘lga olindi. Unga nisbatan ‘Bezorilik’ moddasi bo‘yicha ayblov e’lon qilindi. Hujumning qolgan ishtirokchilarini qidirish davom etmoqda”, — deya ta’kidlagan Galiakberov.
Eslatib o‘tamiz, 15-noyabr, yakshanba kuni kechki payt Moskvaning Aviatsiya ko‘chasida joylashgan “Ya Samarkand” kafesiga niqob taqqan 19 nafar bosqinchi beysbol tayoqchalari bilan hujum qilgan. Kafe xodimlaridan biri, O‘zbekiston fuqarosi bo‘lgan shaxs bezorilardan qochishga urinib, ikkinchi qavat derazasidan sakragan va oyog‘ini sindirib olgan. Jabrdiyda kasalxonaga yotqizilgan.
Izoh (0)