Француз терговчилари Париждаги «Батаклан» театрига уюштирилган ҳужумда қатнашган тўртинчи террорчининг шахсини аниқлади, дея хабар бермоқда «Газета.ru».
BFMTV телеканали маълумотларига кўра, террорчининг исми — Сами. Журналистларнинг аниқлашича, унинг оиласи Париж чеккасидаги Бобиньи туманида истиқомат қилади.
Парижда 13 ноябрь куни террорчилик ҳаракатлари кетма-кетлиги юз берди. Отишмалар, одамларни гаровга олиш ва портлашлар оқибатида 129 киши ҳалок бўлди.
Хусусан, ўша оқшом рок-концерт ўтказилаётган «Батаклан» театри ҳам террорчилар томонидан эгаллаб олинган эди. Ҳужум вақтида залда 1,5 мингдан ортиқ одам бўлган, уларнинг 87 нафари террорчиларнинг ҳаракатлари оқибатида ҳалок бўлган.
Ҳуқуқни муҳофаза қилиш органлари театрни штурм билан эгаллашга ҳаракат қилган вақтда террорчилар, хусусан, Сами, «худкуш камари»ни ишга туширган.
- Воқеа: Париждаги терактлар
Изоҳ (0)