Шарқий Хитойда ер ўпирилиши натижасида қурбон бўлганлар сони 25 кишига етди, яна 12 киши бедарак йўқолган, дея хабар бермоқда «ТАСС» Xinhua агентлигига таяниб.
14 ноябрь, шанба куни Чжэцзян провинциясидаги Лишуй қишлоғида содир бўлган ер ўпирилиши 27 та уйни вайрон қилди. Айни пайтда у ерда кичик кўл юзага келган, у давом этаётган жала билан бирга қидирув ишларини қийинлаштирмоқда.
Воқеа жойида қутқарувчилар, Хитой Халқ озодлик армияси ҳарбий хизматчилари ва полициячилар — жами 2,3 мингга яқин киши ишламоқда.
Яна ер ўпирилиши хавфи туфайли қишлоқнинг 300 дан зиёд аҳолиси эвакуация қилинди.
Изоҳ (0)