Google’нинг Android операцион тизимининг энг янги версияси — Android 6.0 Marshmallow’да ўзбек тили мавжуд. Бу ҳақда мобил қурилмалари Android 6.0’гача янгиланиб бўлган фойдаланувчиларга таяниб, «Mobinfo.uz» хабар бермоқда.
Эслатиб ўтамиз, Android операцион тизимининг янги версияси ундан фойдаланиш жараёнини яхшилашга қаратилган қатор имкониятларга эга, чунончи:
- дастурни нафақат ўрнатиш вақтида, балки қолган бошқа пайтларда ҳам дастурнинг ахборотни қўлга киритиши устидан назорат кучайтирилди;
- овозсиз режим, вибрация режими, шунингдек, ҳар қандай овозларни ўчирадиган ёки, фойдаланувчи танловига кўра, фақат будильник ва билдиришномаларни ёниқ қолдирувчи «Безовта қилманг» режими пайдо бўлди;
- смартфон ишлатилмаётган пайтда маълум бир дастурларнинг фонда ишлашини ўчирадиган уйқу режими пайдо бўлди, у батареянинг ишлаш давомийлигини анча оширади.
Изоҳ (0)