Toyota Motor Corp. компанияси ойна кўтаргичларини бошқарувчи мосламада аниқланган муаммолар туфайли, дунё бўйлаб 6,5 миллионта автомобилни, шу жумладан, Corolla моделларини ҳам чақириб олмоқда. Бу ҳақда, Bloomberg тақдим этган маълумотларга асосланиб, «Газета.ru» хабар бермоқда.
Чақириб олиниши лозим бўлган автомобиллар 2005 йил январь ойидан 2006 йил август ойигача, шунингдек, 2008 йил август ойидан 2010 йил июнь ойигача сотувга чиқарилган. Носозлик Япония заводларида ишлаб чиқарилган автомобилларда аниқланган.
Компания хабар беришича, ойна кўтаргичлари билан боғлиқ бўлган муаммога Японияда ишлаб чиқарилмаган, лекин, 2005 йил август ойидан 2006 йил август ойигача, шунингдек, 2009 йил январь ойидан 2010 йил декабрь ойигача бўлган давр ичида ишлаб чиқарилган автомобиль эгалари ҳам дуч келиши мумкин.
Компания муаммо ёқиб-ўчириш мосламасига тегишли эканлигини, унинг носозлиги қисқа туташувга ва бунинг оқибатида ёнғинга олиб келиши мумкинлиги тўғрисида огоҳлантиради.
Изоҳ (0)