Тошкентдаги Ботаника боғи ҳудудига қушлар учун 60 та ин ўрнатилди

Тошкентдаги Ботаника боғида «Қушлар учун макон: Янги кўчиб келувчиларни кутамиз!» экологик акция доирасида қушларнинг айрим турлари, яъни майда бойқуши ва читтак ҳамда қумри учун 60 та сунъий ин ўрнатилди.

Бу акция Ўзбекистон Қушларни муҳофаза қилиш жамияти ва Murad Buildings девелоперлик компанияси томонидан Қушларни кузги назорат қилиш куни муносабати билан ўтказилди.

Акция давомида турли маданий-маърифий танлов ва викториналар ўтказилди, Ўзбекистон Қушларни ҳимоя қилиш жамияти ходимлари инсонлар ёнида яшовчи қушлар ҳақида сўзлаб берди. Акциянинг энг фаол иштирокчиларига жамият томонидан мукофотлар топширилди.

Сунъий қуш инларини ўрнатиш учун куз ойининг ўрталари танлангани бежизга эмас. Баҳоргача читтак ва бойқушлар дарахтлар рангига мослашиб олиб, дарахт ландшафтининг бир бўлагига айланишга улгуради.

Мазкур акциянинг асосий мақсади жамоатни инсонлар билан бирга яқин оралиқда яшовчи ёввойи қушлар билан таништириш, амалиётда уларни асраб қолишга йўналтирилган ҳаракатларни намойиш этишдан иборат. Сунъий қуш инларини ўрнатишдан олинган тажриба Ўзбекистоннинг бошқа ҳудуд ва шаҳарларида, хусусан, дарахтзор, шаҳар ташқарисидаги дам олиш ҳудудлари, санаториялар ва ёввойи қушлар фаунасини қайта тиклаш учун ажратилган қишлоқларда ҳам қўлланилиши мумкин.

Реклама ҳуқуқи асосида