Россия ташқи ишлар вазирлиги Ливияда рус танкери ва унинг экипажи қўлга олинишини қонунга зид деб ҳисоблайди ҳамда Триполи расмийларидан уларни зудлик билан озод этилишини талаб қилади. Бу ҳақда ТИВ расмий вакили Мария Захарова баёнот берди, дея хабар қилади Meduza.
Россиянинг «Механик Чеботарев» танкери Ливияда қўлга олингани тўғрисида 17 сентябрь, пайшанба куни маълум бўлди. Триполини назорат қилаётган, ўзини маҳаллий ҳокимият сифатида эълон қилган ҳукумат вакиллари 12 кишидан иборат кема экипажини Зуара портидан нефтни контрабанда қилишга уринишда айблади.
Кема эгаси бўлган Oil Marine Group компанияси бу айбловларни қатъиян рад этган ва танкер бўш бўлганини таъкидламоқда.
Изоҳ (0)