Гаитида фуқаролик ярашувини тиклаш конвенцияси учун Иттифоқдан (CORRECH) мамлакат президентлигига номзод Нестор Мишле уч номаълум кимсанинг ҳужумига дучор бўлди. Бу ҳақда «ТАСС» хабар бермоқда.
Кўпгина аъзолари лат еган ва қўли синган номзод касалхонага ётқизилди. Ҳодиса 9 август, якшанба куни бўлиб ўтган парламент сайловлари чоғида рўй берган.
Маҳаллий полициянинг дастлабки маълумотларига кўра, ушбу сайлов жараёнида икки киши ҳалок бўлган, бир неча одам яраланган. Тартибсизликлар содир этишда гумон қилинган 56 киши ҳибсга олинган.