Россиянинг Пермь ўлкаси Углеуральский шаҳарчасида истиқомат қилувчи эркак тўрт яқин қариндоши – онаси, отаси, бувиси ва укасини болта билан чопиб ташлади. Бу ҳақда ўлка Тергов қўмитаси сайтида хабар берилган.
Тергов маълумотларига кўра, 1991 йилда туғилган эркак 22 июнь куни шахсий адоват сабаб 17 ёшли укасининг бошига болта билан урган. Шундан сўнг бошқа қариндошлари истиқомат қиладиган уйга келиб, худди ўша қурол билан ўз бувиси ва онасини ўлдирган. Шундан сўнг амакисининг машинасида қўшни Губаха шаҳрига жўнаб кетган ва бир кечани у ерда ўтказиб, уйга қайтган. Уйда отасининг ишдан қайтишини кутиб, уни ҳам ўлдирган.
«Отаси ўлганига ишончи комил бўлганидан сўнг, гумонланувчи уйга бензин сепиб чиқиб, ёқиб юборган ва қайд этилган машинада Губаха шаҳрида яширинган», - дейилади идора хабарида. Ҳозирги вақтда гумонланувчи ҳибсга олинган ва кўрсатма бермоқда. Ҳодиса юзасидан жиноят иши очилган.
Изоҳ (0)