«Барселона» ҳужумчиси Лионель Месси «Реал» футболчиси Криштиану Роналдунинг ўйини борасида ўз фикрларини билдириб ўтди, деб хабар беради «Stadion.uz».
«Криштиану Роналду амалга оширган ишлар ҳақиқатан ҳам қойил қоларли бўлди. У мавсумни жуда яхши ўтказди. Ҳар йили иккаламизнинг мақсадимиз битта бўлади. У ҳам бўлса, ўзимиз иштирок этаётган ҳар бир мусобақада ғалаба қозонишдир. Бу осон эмас, аммо биз курашамиз.
Энди бизни Америка кубоги мусобақаси кутмоқда. Жаҳон чемпионатидан кейин Аргентина терма жамоаси ушбу турнирда ўзини яхши томонлама кўрсата олади, деган умиддаман. Финални ҳисобга олмаганда, ЖЧ — 2014 ижобий якунланди», — деди Месси.
Эслатиб ўтамиз, португалиялик ҳужумчи 2014 йилнинг энг яхши футболчиси деб топилиб, «Олтин тўп»га сазовор бўлди.
Изоҳ (0)