Польшалик мотопойгачи Михал Херник «Дакар — 2015» ралли-марафонининг учинчи босқичида қатнашаётиб ҳалок бўлди. Бу ҳақда Испаниянинг Marca нашрига таяниб, ТАСС хабар берди.
39 ёшли спортчининг танаси раллининг Сан-Хуан ва Чилесито аҳоли пунктлари орасида жойлашган йўналишида трассадан 300 метр масофада топилган. Жасад шлемсиз ҳолда бўлган. Унинг ўлими сабаблари ҳозирча номаълум.
«Дакар» ралли-марафони Аргентина, Чили ва Боливия ҳудудларидан ўтади. Бу йил у 45 марта ўтказилди.
Херник ралли-рейд тарихида мусобақа чоғида ҳалок бўлган 24-спортчи бўлди.
Изоҳ (0)