Нурсултон Назарбоев Россияда «Йил одамлари»дан бири бўлди

Рус биография институти Иқтисодий стратегиялар институти билан ҳамкорликда, федерал телеканаллар ва ОАВ кўмагида «Йил одами−2014» халқаро мукофоти соҳибларини эълон қилди, деб хабар бермоқда «Kapital.kz».

Бу йилги мукофот соҳиблари 16 та номинация бўйича аниқланди. Қозоғистон, Россия ва Беларусь президентлари Нурсултон Назарбоев, Владимир Путин ва Александр Лукашенко Евроосиё иқтисодий иттифоқига асос солгани учун «Давлат арбоби» номинациясида, Арманистон президенти Серж Саргсян бу иттифоқ билан сиёсий ва иқтисодий алоқаларини мустаҳкамалагани учун, Хитой раҳбари Си Цзиньпин Россия билан иқтисодий ва сиёсий муносабатларни мустаҳкамлагани учун «Йил одами − 2014» деб топилди.

«Давлат ташкилотлари» йўналишида Россия Ташқи ишлар вазирлиги ва Бутунроссия давлат телеродиокомпанияси ғолиб бўлди.