Microsoft янги реклама ролигида Apple’нинг iPhone 6 Plus смартфонини масхара қилди

Microsoft компанияси ўзининг Cortana ва Apple’нинг Siri овозли ёрдамчиларининг суҳбати тасвирланган янги реклама ролигини тақдим этди. Бу ҳақда LookAtMe хабар берди, деб ёзади «Пароль» нашри.

Унда Microsoft’нинг Cortana’си Lumia смартфонларидаги инновацион янгиликлар iPhone 6 Plus смартфонида борми, дея Apple’нинг Siri’сидан сўрайди. Siri эса Cortana’нинг барча саволларига iPhone 6 Plus смартфони шунчаки каттароқ эканлигини айтади. Бу билан Microsoft компанияси Apple’нинг янги смартфонида инновацион янгиликлар йўқлигини тасвирламоқчи бўлган.

Эслатиб ўтамиз, аввалроқ Microsoft ўзининг Cortana’си билан Apple iPhone 5s смартфонининг Siri’сини таққослаган эди. Унда iPhone 5s’нинг овозли ёрдамчиси Cortana бажарган вазифаларни бажара олмагани тасвирланган.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Буюк Британияда инсон ахлатидан олинган газда юрадиган автобус ҳаракатлана бошлади;
• Оила аъзоларининг Samsung Galaxy Note 4’дан қандай фойдаланиши ҳақида реклама роликлари тақдим этилди.