Samsung смартфонларининг хавфсизлигини ошириш мақсадида BlackBerry билан ҳамкорлик қилади

13 ноябрь куни бўлиб ўтган тадбирда BlackBerry компанияси Android қурилмалар учун хавфсизликнинг янги даражасини таклиф қилди. Бу ҳақда The Verge маълумотига асосланиб «Пароль» нашри хабар берди.

Кейинги йилнинг бошидан BlackBerry компаниясининг юқори даражадаги хавфсизлик тизими Samsung компаниясининг мобил қурилмалар учун мўлжалланган Knox номли хавфсизлик тизими билан бирлаштирилади.

Бу эса Samsung қурилмаларининг янада яхшиланишига хизмат қилади. Чунки BlackBerry’нинг мобил қурилмалар учун мўлжалланган хавфсизлик тизими энг аълолардан бири ҳисобланади. Шу билан бирга, ушбу ҳамкорлик мобил қурилмалар сотишда пастлаётган BlackBerry компанияси учун ҳам фойдали бўлади.

Шунингдек, «Пароль» нашрида қуйидаги мақолаларни ўқишингиз мумкин:

• Елкага тақиладиган сумкага жойлаб қўйиш мумкин бўлган электровелосипед (фото);
• Машҳур GoodOK хизмати учун Android дастур ишлаб чиқилди;
• Microsoft Lumia линейкасидаги смартфонлар учун Movie Creator дастурини тақдим этди.