Австралияда ўсадиган ноёб ўсимлик мевасидан тайёрланган дори икки ҳафта ичида сичқонлар устида олиб борилган тажрибаларда рак ўсимталарининг 70 фоизини йўқ қилди, деб хабар бермоқда The Guardian.
EBC-46 деб номланган дори фақатгина Австралиянинг Квинсленд штати шимолидаги тропик ўрмонларда ўсадиган Hylandia dockrillii номли ўсимлик меваларидан тайёрланган. Олимлар дорини тўғридан-тўғри сичқонлар терисидаги ўсимталарга, шунингдек, 300 га яқин уй ҳайвонларининг (ит, мушук ва отлар) бўйин ва бошларига юбориб, ўзгаришларни кузатиб борган. Бир қанча ўзгаришлардан кейин терида рак аломатлари умуман қолмаган.Ҳозирда дорини инсонларда синаб кўриш учун рухсат олинган. Тадқиқот муаллифларининг фикрича, ушбу дори ракни кимёвий усул билан даволашни тўлиқ алмаштира олмаса ҳам, бу усулдан фойдаланиш та’қиқланган мижозлар учун қўл келиши мумкин.