Londonning “Chelsi” klubi Madridning “Real” jamoasida to‘p surayotgan 21 yoshli hujumchi Gonsalo Garsiyani o‘z safiga qo‘shib olishni istamoqda. Bu haqda Ispaniyaning Sport.es nashri xabar berdi.
Manbaga ko‘ra, “Chelsi” Garsiyani Nikolas Jeksonning o‘rniga munosib o‘rinbosar sifatida ko‘rmoqda va uning transferi uchun 40 million yevro taklif qilishga tayyor. Sababi Senegal terma jamoasi futbolchisi yozgi transfer oynasi vaqtida “aristokratlar” safini tark etishi mumkin. Chunki unga Londonning boshqa klubi — “Arsenal” qiziqish bildirmoqda.
“Real Madrid” esa futbolchini sotishga rozilik bildirishi mumkin, biroq shartnomaga qayta sotib olish bandini kiritmoqchi. Garsiyaning amaldagi shartnomasida 50 million yevrolik tovon puli belgilangan.
Gonsalo Garsiya 2025-yilgi Klublar o‘rtasidagi Jahon chempionatida “Real” safida 4 ta o‘yinda maydonga tushib, o‘z hisobiga 4 ta gol va 1 ta golli uzatma yozdirib qo‘ygan. Uning klub bilan shartnomasi 2027-yil yozigacha amal qiladi. Transfermarkt portali futbolchining qiymatini 8 million yevroga baholamoqda.
Izoh (0)