Shavkat Mirziyoyev va Vladimir Putin 15-avgust kuni telefon orqali muloqot qildi.
Prezident matbuot xizmatining xabar qilishicha, suhbat davomida O‘zbekiston bilan Rossiya o‘rtasidagi ko‘p qirrali hamkorlikni yanada kengaytirish, keng qamrovli strategik sheriklik va ittifoqchilik munosabatlarini chuqurlashtirish masalalari ko‘rib chiqildi.
Prezidentlar 26—28-may kunlari Rossiya prezidentining O‘zbekistonga davlat tashrifi davomida erishilgan kelishuvlar ijrosining borishini muhokama qildi.
Tovar ayirboshlash hajmini oshirish, ikki mamlakat yetakchi korxonalari va hududlari o‘rtasidagi kooperatsiya aloqalarini rivojlantirish, qo‘shma investitsiya loyihalari va gumanitar dasturlarni amalga oshirish bo‘yicha muvofiqlashtirilgan choralar ko‘rish masalalariga alohida e’tibor qaratildi.
Shuningdek, bo‘lajak ikki va ko‘p tomonlama tadbirlar rejasi ham ko‘rib chiqildi.
Izoh (0)