Yengil vazn toifasida UFC chempionlik kamariga ega, hali mag‘lubiyat nima ekanligini bilmagan 28 yoshli ispan-gruzin jangchi Iliya Topuriya professional boksdagi eng shov-shuvli bahslardan biri — super o‘rta vazndagi (–76,2 kg) mutlaq jahon chempioni unvoni uchun bo‘ladigan Saul “Kanelo” Alvares (Meksika) va Terens Krouford (AQSh) o‘rtasidagi jang g‘olibiga qarshi jang qilish istagini bildirdi.
Men Kanelo – Krouford jangi g‘olibiga qarshi kurashishga tayyorman. Ammo Kaneloga qarshi jang qilishni istamayman. U mening kumirim bo‘lgan va undan juda ko‘p narsani o‘rgandim, — dedi Topuriya.
Eslatib o‘tamiz, 29 iyun kuni Las-Vegasda bo‘lib o‘tgan UFC 317 musobaqasida Topuriya braziliyalik Charlz Oliveyrani birinchi raundda nokautga uchratib, g‘alaba qozongan edi. Shu tariqa, u UFC yengil vazn toifasining yangi chempioniga aylandi va promoushen tarixida ikki vazn toifasida chempionlik kamarini qo‘lga kiritgan o‘ninchi jangchi sifatida tarixga kirdi.
Ma’lumot uchun, Saul “Kanelo” Alvares va Terens Krouford o‘rtasidagi jang 2025-yil 13-sentabrda Las-Vegasdagi “Allegiant” sport majmuasida o‘tkazilishi rejalashtirilgan. Ushbu super o‘rta vazn toifasidagi jang Kaneloning mutlaq chempionlik kamarini himoya qilish uchun bo‘ladi. Ikki vazn toifasida to‘rt marta jahon chempioni bo‘lgan Krouford esa vazn ko‘tarib, navbatdagi chempionlik unvoni uchun ringga chiqadi.
Izoh (0)