Butunjahon boks tashkiloti (WBO) Oleksandr Usikning navbatdagi jangini rasman tasdiqladi. Tashkilot matbuot xizmatining ma’lum qilishicha, ukrainalik bokschi Oleksandr Usik keyingi jangini yangi zelandiyalik Jozef Parkerga qarshi o‘tkazadi. Tomonlarga jang shartlari bo‘yicha kelishuvga erishish uchun 30 kunlik muddat belgilangan.
Hozirda Usik og‘ir vazn toifasining mutlaq jahon chempioni hisoblanadi. Jozef Parker esa WBO versiyasi bo‘yicha vaqtinchalik chempion unvoniga ega.
Usik so‘nggi jangini 2025-yil 19-iyul kuni britaniyalik Daniel Dyubuaga qarshi o‘tkazgan bo‘lib, beshinchi raundda raqibini nokautga uchratgan. Professional faoliyati davomida u 24 ta jang o‘tkazib, ularning barchasida g‘alaba qozongan. Bu g‘alabalarning aksariyati nokaut bilan yakunlangan.
Jozef Parker esa hozirgacha 39 ta jang o‘tkazgan: 36 ta g‘alaba va 3 ta mag‘lubiyat.
Agar muzokaralar muvaffaqiyatli yakunlansa, ushbu bahs qachon va qayerda o‘tkazilishi aniq bo‘ladi.
Izoh (0)