“Daryo”da Imarat Development’da uy mojarosi: Marat Hamdamov odamlarni chuv tushirdimi?, sarlavhali maqola eʼlon qilingan edi. Unda quruvchi Marat Hamdamovdan jabrlanganini aytgan fuqarolar uy xarid qilish boʻyicha tuzilgan shartnomalarini bekor qilgan boʻlsa-da, pulini ololmayotganini maʼlum qilgandi.
Advokat Bobur Muqadamov quruvchidan jabrlanganlarga jamoasi bilan huquqiy yordam koʻrsatishga tayyorligini bildirdi.
Advokat, shuningdek, Marat Xayrullayevich rahbarligidagi kompaniyaning xatti-harakatlarida jinoyat alomati bor yoki yoʻqligini tekshirish kerak, demoqda.Marat Xayrullayevich boshchiligidagi kompaniya fuqarolarni qurilishi lozim boʻlgan uy-joyning manzili boʻyicha chalgʻitgani, uy-joy shahardan uzoqda joylashgani va boshqa har xil sabablar bilan kompaniyadan oʻz pullarini qaytarib berishni talab qilishayotgani, kompaniya vakillari esa pulni qaytarishni paysalga solayotgani haqidagi videoni koʻrib, bir narsaga qaror qildim. Jamoam bilan birga fuqarolarga huquqiy yordam berishga tayyorman, deydi advokat.
Gap shundaki, 2023-2024-yillarda Marat Hamdamovdan uy xarid qilib, shartnoma imzolagan fuqarolar koʻp oʻtmay, oʻsha shartnomalarni bekor qilishga tushgan. Baʼzilar bunga oilaviy muammolarni sabab qilib keltirsa, baʼzilar uylarning joylashuvi uzoqdaligi, turar joy majmuasining nomi Toshkent shahridagi tumanlardan birining nomi bilan bogʻliqligi bois ularni chalgʻitganini aytadi. Yana boshqasi esa: “Men sotib olgan uy qurilishiga hali ruxsat olishmagan ekan, qurilish noqonuniy boʻlgani bois hamon boshlanmadi”, degan.Videodagi holatlardan kelib chiqqan holda, huquqni muhofaza qiluvchi organlarga ariza bilan murojaat qilish, kompaniya mansabdor shaxslari harakatlarida jinoyat alomati bor yoki yoʻqligini tekshirish lozim deb hisoblayman, deydi u.
