Madridning “Real” klubi futbolchisi Vinisius Junior Ispaniya chempionatining 10-turidan o‘rin olgan “Barselona”ga qarshi o‘yindan (2:1) keyin o‘z fikrlari bilan o‘rtoqlashdi. Bu haqda Championat nashri xabar berdi.
“Barcha ‘Real’ muxlislariga qo‘llab-quvvatlov uchun minnatdorchilik bildirmoqchiman. ‘El-Klasiko’ — bu har doim hissiyotlarga boy o‘yin. Maydonda ham, undan tashqarida ham ko‘p voqealar yuz beradi. Garchi har doim ham oson bo‘lmasa-da, imkon qadar xotirjamlikni saqlashga harakat qilamiz. Bizning maqsadimiz — hech kimni, na raqib futbolchilarni, na muxlislarni ranjitish emas. Biz maydonga o‘z klubimiz sha’nini himoya qilish uchun chiqamiz — bugun ham aynan shunday bo‘ldi”, dedi Vinisius Diario AS nashriga bergan intervyusida.
Ma’lumot uchun, “Real Madrid” hamda “Barselona” o‘rtasidagi bahsda “qirollik klubi” 2:1 hisobida g‘alaba qozondi. Uchrashuvdagi gollarga Kilian Mbappe, Jud Bellingem hamda Fermin Lopes mualliflik qildi. Vinisius Junior “Barselona”ga qarshi bahsni asosiy tarkibda boshlab, 72-daqiqada zaxiraga oldindi.
Hozirda “qirollik klubi” 27 ochko bilan turnir jadvalining birinchi pog‘onasidan joy olgan. 22 ochkosi bor “Barselona” esa 2-o‘rinni egallab turibdi.
