Polshaning Varshava shahrida tashkil qilingan World Boxing tashkiloti kubogi ikkinchi bosqichining to‘rtinchi kunida o‘zbekistonlik 6 nafar bokschi final yo‘llanmasi uchun ringga chiqdi. Unga ko‘ra, 7 nafar nafar ishtirokchi final yo‘llanmasini naqd qildi. Ikkita bokschi bo‘lsa, musobaqani bronza medali bilan yakunlaydigan bo‘ldi.
Dastlab, -55 kg vaznda bo‘lib o‘tishi kerak bo‘lgan yarim final bahsi mo‘g‘ilistonlik Lunda Gantumurning jangdan bosh tortganligi sababli o‘tkazilmadi va g‘oliblik Mirazizbek Mirzahalilovga topshirildi. Keyinchalik, -65 kg vaznda jang qiladigan Asadxo‘ja Mo‘ydinxo‘jayev yarim finalda mo‘g‘ilistonlik Mishelt Battumurni 5:0 hisobida mag‘lub etdi. Musobaqada O‘zbekiston nomidan qatnashayotgan yagona ayol bokchi Xumorabonu Mamajonova -57 kg vaznda turkiyalik Parij-2024 olimpiada o‘yinlari sovrindori Esra Yildizni 5:0 hisobida mag‘lub etib, final yo‘llanmasini naqd qildi. Fazliddin Erkinboyev -75 kg vaznda angliyalik Kayl Shav-Tullinni 4:1 hisobida mag‘lub etib, O‘zbekiston safidagi 7-finalchiga aylandi.
Ikki nafar bokchi yarim finalda imkoniyatni boy berib, bronza medaligi ega chiqdi. Samandar Olimov -60 kg vaznda bo‘lib o‘tgan bahsda italiyalik Mikele Baldassiga 2:3 hisobida mag‘lub bo‘lgan bo‘lsa, -70 kg vaznda mezbon Sezariy Znames Gofurjon Tohirovga hech qanday imkoniyat qoldirmadi — 0:5.
Finalga yo‘l olgan bokschilar bilan tanishing:
-55 kg. Mirazizbek Mirzahalilov
-65 kg. Asadxo‘ja Mo‘ydinxo‘jayev
-75 kg. Fazliddin Erkinboyev
-80 kg. Javohir Ummataliyev
-85 kg. Akmaljon Isroilov
+92 kg. Jahongir Zokirov
-57 kg. Xumorabonu Mamajonova
Bronza medali sohiblari:
-60 kg. Samandar Olimov
-70 kg. Gofur Tohirov
Bugun, 16-may kuni 7 nafar o‘zbekistonlik bokschi finalda ringga ko‘tariladi.
Juftliklar bilan tanishing:
-55 kg: Mirazizbek Mirzahalilov — Bilguunsaixan Xarxu (Mo‘g‘iliston) 16:45
-65 kg: Asadxo‘ja Mo‘ydinxo‘jayev — Viktorio Iliyev (Bolgariya) 17:00
-80 kg: Javohir Ummataliyev — Alfred Kommey (Italiya) 17:15
-57 kg: Xumorabonu Mamajonova — Julia Szeremeta (Polsha) 20:15
-75 kg: Fazliddin Erkinboyev — Rami Kivan (Bolgariya) 21:30
-85 kg: Akmaljon Isroilov — Yakub Straszevski (Polsha) 21:45
+92 kg: Jahongir Zokirov — Omar Shiha (Norvegiya) 22:15
Uchrashuv vaqtlari taqdirlash marosimlari sabab o‘zgarib turishi mumkin.
Birinchi kungi natijalar bilan tanishing.
Ikkinchi kungi natijalar bilan tanishing.
Uchinchi kungi natijalar bilan tanishing.
