Polshaning Varshava shahrida tashkil qilingan World Boxing tashkiloti kubogi ikkinchi bosqichining uchinchi kunida o‘zbekistonlik 5 nafar bokschi ringga chiqib, ularning barchasi g‘alaba qozondi.
Dastlab, -55 kg vaznda ringga chiqqan Mirazizbek Mirzahalilov uelslik bokschi Kory Jonesni 5:0 hisobida mag‘lub etib, yarim finalga yo‘l oldi. Asadxo‘ja Mo‘ydinxo‘jayev -65 kg vaznda bo‘lib o‘tgan bahsda, germaniyalik Ousainou Hansenni birinchi raunddayoq texnik nokautga uchratdi.
Javohir Ummataliyev -80 kg vaznda bolgariyalik Vilyam Chalovni 5:0 hisobida yengib, o‘zbekistonlik sportchilar orasidagi dastlabki finalchiga aylandi. Akmaljon Isroilov -85 kg vaznda bo‘lib o‘tgan yarim finalda, turkiyalik Samet Ersoyni qiyinchiliksiz mag‘lub etdi —5:0.
Kunning so‘nggi bahsida -75 kg vaznda ringga ko‘tarilgan Fazliddin Erkinboyev, braziliyalik Kauye Dos Santosni 5:0 hisobida mag‘lub etib keyingi bosqichga yo‘l oldi.
O‘zbekistonlik bokschilarning qayd etgan natijalari:
- -55 kg: Mirazizbek Mirzaxalilov - Kory Jones (Uels) 5:0
- -65 kg: Asadxo‘ja Mo‘ydinxo‘jayev - Ousainou Xansen (Germaniya) — Asadxo‘ja 1-raunddayoq texnik nokaut evaziga g‘alaba qozondi;
- -80 kg: Javohir Ummataliyev - Vilyam Cholov (Bolgariya) 5:0
- -85 kg: Akmaljon Isroilov - Samet Ersoy (Turkiya) 5:0
- -75 kg: Fazliddin Erkinboyev - Kauye dos Santos (Braziliya) 5:0
Ta’kidlash kerakki, mazkur turnirda hali o‘zbekistonlik bokschilar biror marta mag‘lubiyatga uchramadi.
Birinchi kungi natijalar bilan tanishing.
Ikkinchi kungi natijalar bilan tanishing.
