Saudiya Arabistonining Jidda shahrida Elit Osiyo Chempionlar Ligasi 2024—25-yilgi mavsumi chorak final bosqichiga qur’a tashlash marosimi bo‘lib o‘tdi.
Ushbu bosqichdagi barcha uchrashuvlar, shuningdek, yarim final va final ham markazlashtirilgan turnir doirasida Saudiya Arabistonida o‘tkaziladi.
Elit Osiyo Chempionlar Ligasi markazlashgan o’yinlariga qur’a natijasi:
“Al-Hilol” (Saudiya Arabistoni) — “Gvangju” (Janubiy Koreya)
“Al-Ahli” (Saudiya Arabistoni) —“Buriram Yunayted” (Tailand)
“Yokogoma Marinos” (Yaponiya) — “An-Nassr” (Saudiya Arabistoni)
“Kavasaki Frontale” (Yaponiya” — “As-Sad” (Qatar).
Chorak final uchrashuvlari 25—26-aprel kunlari bo’lib o’tadi. Qolgan bosqich uchrashuvlar sanasi hali e’lon qilinmagan.
Ma’lumot uchun, ushbu musobaqada O‘zbekiston nomidan Toshkentning “Paxtakor” klubi qatnashdi. “Sherlar” 1/8 final bosqichida Saudiya Arabistonining “Al-Hilol” klubiga ikki o‘yin natijasiga ko‘ra, 1:4 hisobida mag‘lub bo‘ldi va turnir bilan xayrlashdi.
