Qurilish inspeksiya buyurtmachi “O‘zbekiston milliy elektr tarmoqlari” AJ tomonidan qurilayotgan Muruntov 500/220 kw podstansiyasining qurilish jarayonini o‘rganildi. Bu haqda Qurilish vazirligi axborot xizmati xabar bermoqda.
Aytilishicha, obyektning tarmoq kabellari uchun quyilgan quyma temir beton ishlari sifatsiz bajarilganligi va qurilish materiallarining sertifikatlari nazorat davri mobaynida to‘liq yuritilmagani ma’lum bo‘lgan.
Ushbu qoidabuzarliklar bo‘yicha buyurtmachi-pudrat tashkilotining texnik va ichki nazoratchilariga nisbatan ma’muriy bayonnomalar rasmiylashtirilgan.
Qo‘shimcha qilinishicha, loyiha talablari asosida bajarilmagan beton ishlari buzdirilgan.
Avvalroq Samarqand davlat chet tillar instituti hududida qurilayotgan 400 o‘rinli talabalar turar joy binosi sifatsiz qurilayotgani sabab, qurilishi to‘xtatib qo‘yilgani xabar qilingan edi. Samarqandda yangi qurilayotgan maktabning sifatsiz devorlari buzdirilgandi.
